माले खबर नव्हती ,मन् नशीब कवय खुलिन
कोण जाने ,बट्ट त्याना हाथ मा शे !!
माले खबर नव्हती ,मन् नशीब कवय खुलिन
मी करसु तवयच हुइन ,जे मना मनमा उमजी र्हायन !!
माले खबर नव्हती ,मन् नशीब कवय खुलिन
हाई काई माती धनधान्य देस ,गुराढोरासले भी खावाड्स !! पन
माले खबर नव्हती ,मन् नशीब कवय खुलिन !!
माले खबर नव्हती ,मन् नशीब कवय खुलिन
आज वाटन हाई धरतीच मणि माय शे !!
माले खबर नव्हती ,मन् नशीब कवय खुलिन
हाई धरती आपलं पोट भरस,पाणी भी हाइच पाजस !!
माले खबर नव्हती ,मन् नशीब कवय खुलिन
माले खबर नव्हती ,मन् नशीब कवय खुलिन
मी राबसू ,काम करसु ,माले मालुम शे !!
माले खबर नव्हती ,मन् नशीब कवय खुलिन
मी अनाड़ी माणूस ,लिखता वाचता गनक्च एस माले !! पन
माले खबर नव्हती ,मन् नशीब कवय खुलिन!!
माले खबर नव्हती ,मन् नशीब कवय खुलिन
जवय मी अहीरानी भाषा मा कविता करसु
तवय्च मन नशीब खुलिन ,ते आज व्हयन्न!!
चिमनी ताई........
Subscribe to:
Post Comments (Atom)
No comments:
Post a Comment